رواية الهجرس الفصل الثالث 3 بقلم رواء هادي – للقراءة المباشرة والتحميل pdf
بادلته الحضن دمعة وحدة مانزلت مني ابتسمت
بمكر وكلتله ” أسامحك بس بشرط
بعد عني ويباوعلي ”
شنو شرطك ؟
_تزوج عمه مرت عمي جدوع
_ تريدني اتزوج؟
_اي عمتها عمرها ٣٦ سنة مطلقة ورجلها ماخذ الأطفال من عدها تزوجها يابة علمودي
ابتسم وگال _
أخاف تطلع مثل صبوحة حية
وترشك سم هنا وهناك
_لا هاي طيوبة وانه اعرف الطيب من الخبيث
اريدها يابة اريدها كوم خل نروح
نگل لجدي يخطبها لك
ماقتنع بقيت اقنع بي وگلتله سوي تحليل وشوف بيك خلفة لو لا عصب مني وگلتله بيني وبينك محد يدري عاد قنع والعصر رحنا للدكتور سوه تحاليل
والصدمة لابوي مابي …. خلفة وخلفته صفر تخبل وبقى يباوعلي بشك طلعنا بره جرني من قميصي قوي “مابي خلفة شلون خلفتك
ابتسمت وگلتله _خلفتك انه يابة بس …
_ جانوا ينطونك عشبة على أساس تنزل
الرمل بالكلى وهي تيبس الخلفة
عند الرجال والمره
عافني وطلعنا بره صعدنا بالسيارة حرك السيارة وگالي ” يلا احجي كلشي ؟
_عمي جدوع وعمي جاسم مو جابولك عشبة
وره مانولدت انه بأيام قليلة ؟
_وگالولك هاي تنزل كل الرمل بالكلى وتوخر التهابات
_ضحكوا عليك انطوك عشبة تيبس
خافتك علمود.ماتخلف بعد
_منو گالك انت؟
_ سمعت عمي جدوع بالصدفة يگل لعمي جاسم اريد من العشبة لانطيناها الوائل انطي منها لمرتي