هسة لا موعادي
رواية الهجرس الفصل الثالث 3 بقلم رواء هادي – للقراءة المباشرة والتحميل pdf
_قابل راح تأذيني
_اذي روحي وماذيج
_الشيطان ملعون وانه أحبج أخاف منا منا تطلع مني شغله محلوة وتكرهج بي .. يلا كومي روحي
_تعال خل ابوسك لعد
مديت خدي الها باستني بوسة ام الطكة”
امممممح أحبك
_اويلي يابة شالت خدي شيل ههههه
_هاي ام الطكة ههههه
_اروح فدوة لام الطكة انه
_ههههه شكد تحبني
_احبج بكد هذا الكون كله وأنتِ احسبيها بعد
_الكون جبير وماينعد ؟
_خلص لعد حبي جبير وماينعد يلا كومي بسرعة
_لاوالله بس يشوفوج اخوانج هنا يذبحونج وهم
منا مايحبوني وانه احبج وماريدلج
المشاكل
كامت وطلعت بسرعة سديت الباب علكت قرأن كريم سورة البقرة وعفت الضوه مفتوح ونمت على ظهري مرت الأيام وصرت هواي التقي بحنونه
بعد ماامها ولت وعمي ….تزوج بنية صغيرة وحلوة وكلش طيوبة ويه جهاله وأبوي حالته حاله ماعرف شبي اليوم رحت يمه سألته شبيك
طلقة وفاتت بنص صدري ”
ناخي الله واهل البيت(ع) عليها ان شاءالله ترجع لأهلها مذلولة مكسورة مثل ماذلتني وكسرتني
وعافتني بحسرتها
_هم شايل بقلبك عليًّ
_شايل مو ماشايل بس انت ماسويت مثلها وعفتني بقيت وياي إذا صلحت اخطائك محتمل أسامحك واصيرلك سند وتصيرلي سند واحد
يستند على الثاني
جرني لعنده وحضني قوي وگال ”
والله موبيدي جنت موبوعيي من اضربك واهينك عبالك احد يوزني عليك سامحني وليدي