وهسه عمك جدوع
رواية الهجرس الفصل الثالث 3 بقلم رواء هادي – للقراءة المباشرة والتحميل pdf
راح يتزوج على قسمة ومارجعها له سنة ونص واحلف يمين ماترجع إلا اكسر خشمها واعلمها شلون تسوي سحورة وتحجي عليك .
وسووها صدك أبوي طلك مرته صبيحة وعمي جدوع خطب وحدة عمرها ٢٠ سنة بعدها صغيرة وحلوة تكتل كتل خربت من الضحك حنونه اجت لعندي
للغرفة تبجي اريد أمي كعدت اضحك عليها ”
لعد انه مو عافتني أمي
_أنت قوي انه لا اريد أمي فرقد اريد أمي
_منين اجيبلج امج
_روح احجي وي جدي موسى وكله خل ترجع
_على كص ركبتي اكله خليها تتعلم وتتأدب نسيتي شسوت بي حركت حجابي علمود يرجع هجرس لي وسوت سحر لابوج ولجدي
_كله بسبب خالتي صبوحة
_وهي مابراسها عقل
_مشت وره كلام أختها فرقد اريدها مشتاقتلها
_انسيها هسه تجي امج الجديدة
بعدها بالباكيت ههههه
صارت تبجي ياربي نكلبوا خدودها طماطية حمرة وانوب هي سمينة وسمرة صارت تموت ماتحملت
حضنتها انه وكاعد
_لتبجين انه اصيرلج ام
_ماتكدر اريدها
_سودة عليًّ حنونتي لتبجين والله
ماتحمل اشوفج تبجين
_مابقى شيء وترجع يلا كافي امسحي دموعج
بعدت عنها بس تبجي و تشهك … مسحت دموعها بصابعي وبستها بخدودها الاثنين _ يلا كافي وكومي روحي نامي هسة اهلج يستفقدونج يلا كومي