عميييي افتحححححح .
رواية الهجرس الفصل الثالث 3 بقلم رواء هادي – للقراءة المباشرة والتحميل pdf
صاح بي _وين راح الحجاب ؟
بدون وعي گلتله ” قسمة حركته هي وصبيحة علمود يرجع هجرس لي وتطلعوني خارج البيت …
افتحلي عمي افتحلي
هجرس_ يمي بالغرفة صار عمي ساعدني
فواز_الله لاينطيجن الله لايوفقجن ان شاءالله بيش طالبات الولد بيش حنونه جيبي المسجل وعلكي القرآن بسرعة على سورة البقرة .
حسيت بي صار يمي وبالغرفة يدور بصفي تخبلت بالزايد وصرت اصيح مثل المخبل سل دم سل اصيح كعدت يم الباب واضرب بي بخفه وردد كلمات
” سل دم سل دم سل دم سل دم سل دم ….
بقيت اردد هالكلمات أبوي صاح بفواز ”
شبي شنو سل شنو دم ؟
فواز_رجعله هجرس الله لاينطيجن الصحة والعافية
ابوي_افتح الباب خل اشوفه
فواز_خطر على الكل و الدنيا مغرب صارت وهاي لحظة ضعف الانسان ولحظة دخول الجن اللإنسان وهسه دخل بي عوفه وره أذان وندخل نشوفه
ابوي_سوه شيء بروحه ؟
فواز_ماياذي نفسه بس يأذي العالم
المقابيله عوفه وائل
ابوي_ابني الوحيد لماعندي غيره محبوس وي جن شلون تريدني اهدي ولك وخر اخل اطلعه
اودي للسيد
فواز_مايفيد بعد دخل بي وجن انتن
شنو من نسوان شنوو
ضربت الباب بقوة وصحت ”
صبيحة عدها خرز تخلي بالأكل علمود الكل تحبها وقسمة مسويه سحر طاعة لجدوع ودافنته له
جوه جدع النخله وره غرفتها