عقود اتباعت،
توقيعات خلصت،
وبيع تم من ورا الكل.
«كل حاجة اتباعت…
الأراضي، البيوت،
حتى الشقة اللي فاكرينها هتلمهم.»
ضحك ضحكة قصيرة ناشفة،
وقام وقف قدام المراية:
«وأنا؟
هاخد الفلوس وأمشي.
برّه مصر… بعيد عن الدوشة،
بعيد عن وجع الدم والقرايب.»
قعد تاني على السرير،
مد رجله، شد الغطا عليه،
وقال وهو بيغمض عينه:
«ما هما كده كده هيعرفوا…
لما أسافر،
ولما المشتري ييجي يستلم الأملاك.»
سكت ثواني،
وبنبرة باردة خالية من أي ندم قال:
«وساعتها…
يخبطوا راسهم في الحيطة.»
قفل النور،
وساب الليل يكمل الباقي…
والميراث، زي ما كان دايمًا،
سبب فُرقة
مش رزق
♤♤♤ تانى يوم الصبح
سناء بتخبط على بابا اوضته عبد العزيز
ادخلى
اومال فين مراتك وولادك
سافروا
راحوا فين ؟
الولاد قرروا يكملوا فى المانيا ، سافروا من يومين
من يومين وليه مش عرفنا
معلش جت كدة
طب مين هيحضر الفطار
سناء انتى مش صغيرة ، تقدرى تحضرى لينا الفطار ولا اقولك حضرى لنفسك انا هفطر فى الشغل ، يادوب اجهز
بقلم ميادةيوسف الذغندى
تفطر فى الشغل ، هزت كتفها ، اوكى انا هاروح افطر فى اى مكان ، وخرجت راحت اوضتها تلبس ……
♡♡♡♡♡♡ عند حسين
وليد خبط على الباب
حسين …..
ادخل
بابا هى ماما مش هنا
لاء راحت بيت جدك