وليد……
صوته رعش. بس إنتِ مش لوحدك يا ماما. أنا هنا.
سناء……
شدّت على إيده. عارفة… وعلشان كده لسه واقفة. مش علشانهم… علشانك إنت.
خاله……
تنحنح. إن شاء الله لما يرجعوا، كل حاجة تتحل.
سناء…… ابتسمت ابتسامة هادية، مرعبة. آه… هتتحل. بس مش زي ما حد متخيل.
بصّت للسقف، وكأنها بتكلم نفسها. فيه حاجات لما بتتكسر… مبترجعش زي الأول. بترجع مختلفة. وأنا… رجعت مختلفة.
بس انتى غلطتى من الأول، انا كنت ضد اللى عملتوه ، وحتى الإجهاض أنا مش معك فيه
بصت له وعيونه كلها دموع ، انا من كام شهر لماتعبت وروحت لدكتور زين ، وعرفت انى حامل ، بس الجنين قالى هيبقى مشوه علشان القرابه ، وقالى انه هيعرف فى نهايه الشهر الرابع ويقرر ينزل ولا لاء ، بس هو سافر ، والدكتور اللى عمل العمليه ده ، كان ضد الإجهاض عموما وقالى حتى لو عنده اعاقه خليه ، بس لما حسين اتجوز أنا قررت انزله لانى مش هقدر اتحمل عيل معاق ذهنيا
بص لها وهو منفعل ، وليه مش فهمتي حسين
رفعت راسها ، كنت هقول له ، بس بابا كان عايز يكسرة ويهدده زى ماكسر عمه وعمته وابوك قدام البلد كلها ، كان عايز يأدبه، بس الحكايه وسعت قوى وجت على راسى ، بس كنت هقول له ، وهو فاجئني بجوازته عليا