رواية الميراث الفصل الثامن 8 بقلم ميادة يوسف الذغندي حصريه في مدونة قصر الروايات
رواية الميراث الفصل الثامن 8 بقلم ميادة يوسف الذغندي حصريه في مدونة قصر الروايات
#_ الحلقة_الثامنة
#_الميراث
#_بقلم_ميادة_يوسف_الذغندى
حسين…….
بيفتح عينه بصعوبه ، قام وعدل جسمه بيتمغط ، بص لاقى جنى مجهزة الفطار
جنى ……
صباح الخير انت روحت فى سابع نومه
اه كنت تعبان قوى ، بس كنت حاسس بيكى لوقت طويل وانتى بتلعبى فى شعرى ، الحمام جاهز
وده سؤال ، طبعا جاهز
كنتى فين؟
روحت اطمن على وليد
راح الدروس
اه وهيخلص وهيروح لمامته يشوفها
طب تمام ، وانا هقوم اخد حمام وأخرج عايزك فى موضوع مهم
خير
حسين…… خرج من الحمّام وهو بينشف شعره بالفوطة، لابس تيشيرت أبيض وبنطلون، ملامحه أهدى شوية. قرب من السفرة، سحب الكرسي وقعد، مد إيده خد فنجان القهوة من جنى وبصّ لها بابتسامة خفيفة.
حسين: قعدي… عايز أتكلم معاكي.
جنى: (قلقانة) خير يا حسين؟ صوتك مش مطمّني.
حسين: مفيش حاجة وحشة… بالعكس. أنا قررت آخدك ونطلع الساحل كام يوم.
جنى: (مصدومة) الساحل؟ دلوقتي؟! إزاي يعني؟ وسناء؟! دي لسه في المستشفى يا حسين!
حسين: (بحدة خفيفة وهو بيحاول يسيطر على نفسه) جنى… أنا محتاج أغيّر جو. اللي حصل تقيل عليّ، ومش قادر أتنفس في نفس المكان.