بص لها وهو بيقلع التيشيرت ادينى عوضتك اهو خلصين
لافت وشها وهى بتضحك لاء مش خالصين ، ميل عليها علشان يبوسها ، هو الدكتور قال لما ٣شهور يخلصوا طب ده ينفع دلوقتى …….
… ومن اليوم ده اتغيّر كل شيء
حسين بقى شخص تاني.
فرحته بجنى خلت الدنيا كلها تتشال من دماغه، شغل، مشاكل، ناس… كله بقى على جنب.
كان يرجع من الشغل بدري على غير عادته، وأول ما يدخل البيت:
حسين
جنى فين؟
أم حسين
فوق يا حبيبي، نايمة شوية.
يبص للسفرة، يلاقي الأكل اتحط.
حسين
لا، الأكل يطلع فوق… ماينفعش تنزل دلوقتي.
سناء كانت تسمع الكلام ده، وتسكت، بس النار كانت بتاكل في قلبها.
♡♡♡ فوق… في أوضة جنى
كانت قاعدة على السرير، بطنها ابتدت تبان سنة صغيرة، ماسكة كتاب، وأول ما حسين يدخل، وشها ينور.
جنى
رجعت بدري؟
حسين
علشانك.
(يقعد جنبها)
قوليلي، عملتي إيه النهارده؟ تعبانة؟ الأكل عجبك؟
تضحك
إيه يا حسين، ده أنا حامل مش مريضة.
يحط إيده على بطنها بحنية
لا… ده انتي أغلى من نفسي.
كانت تبص له، وتحس لأول مرة إنها آمنة بجد.
♡♡♡ الشهور بتعدي
شهر ورا شهر…
جنى بطنها بتكبر ، وحسين مش سايبها لحظة.
الدكتور
الحمد لله، الحمل مستقر.
حسين
(مرتاح)
يعني أقدر أنام وأنا مطمّن؟
الدكتور
نام… بس افتكر، بلاش زعل.