طلع السلم وهو عنيه على جنى اللى واقفه تشوف اللى حصل وهى مصدومه
قرب عليها ، ( ايه ، مالك ، مستغربه ليه ، هتفضلى واقفه هنا كتير )
دخل اوضته ، وهو مضايق ومخنوق ، وكان رايح جاى فى الاوضه ، وبيتكلم كلام مش مفهوم …..عدى وقت على الوضع ده
جنى …..
كانت بتراقبه بعيونها ، قامت وقفت مرة واحده قدامه ، كافيه ، واللى انت بتعمله ، مالوش لازمه
بص عليها وهو متوتر ، مالوش لازمه
اه مالوش لازمه ، اولا دى مراتك وبنت عمك وأم ابنك ، ترفعها فوق بنت عمك ، تدفنها تحت بنت عمك ، يعنى مالوش لازمه العصبيه ، وانت شغال معها بنظريه الكيد ، والكيدللنسوان ياسيد المعلمين ، انت مجروح وزعلان منها ، والايام هتداوى اللى بينكم فبلاش نزود الطين بله
كان مستغرب كلامها ، انتى بتقولى ايه ، انتى اللى بتقولى كدة
اه ، انا علشان انا اللى يهمنى هو انت وبس ، راحتك وسعادتك ، وشايفه ده مالوش لازمه وانا هنا علشان اريحك تعالى وسيب نفسك لى اعمل لك مساج يفك جسمك تعالى
♡♡♡ فى اوضه سناء
كانت رايحه وجايه كلها غضب ، انا يزقنى فى الأرض ويهزأنى قدام الكل ، انا يقولى روحى ماترجعيش ، بس حاضر انا هوريك مين هى سناء
♡♡♡♡♡ بعد اسبوعين
بالمطبخ الحريم كلهم متجمعين بيجهزوا الاكل ، سناء كانت واقفه على باب المطبخ لابسه عبايه استقبال شكلها حلو، انا هتغدى معكم النهاردة يامرات عمى