جنى…..
اى اى صوابعى هتتكسر ، اوعى ، ايه الهانم كانت واحشك أكتر ولا ايه
حسين ……
يمين تلاته لو مش قفلتى بوقك لأكون خارصك ، طب وهى الست واحنا خدم يعنى ، هى ليه مش نزلت تجهز معنا الفطار هو مين الست الجديدة هنا
حسين……
مافيش فايده فيكى ، هنا البيت له نظامه وهى مش بتنزل تاكل هنا من يوم ماانتى دخلتى فيه ، وانتهينا هى حره
جنى ……
خلاص اعمل لى مطبخ زي زيها حتى كتر النزول والطلوع غلط عليا وعلى اللى فى بطنى وحطت ايدها على بطنها
حسين ….
نفخ اخرصى واقعدى اطفحى اقعدى
جنى …..
خافت ، من كلامه ونظرته اهو
عبدالوهاب……..
ولاد عمك هيعملوا ايه فى المحكمه النهارده
حسين…….
المفروض يتحكم فى القضيه ، هنشوف ، بس وربى اللى هينزل الأرض لأكون شاقه نصين
صوت خلفى ……
اهدى ياابو وليد ، الحكايه مش ناقصه ، تروح فيها روح
بص لورا
وانتى رايحه على فين كده على الصبح
رايحه فين ، انت مش ،رايح المحكمه وانا اعتبر خصيمتك فى المحكمه ولانسيت
حسين……
قام راح لها ، اطلعى فوق ياأم وليد واقصرى الشر ، اخواتك جبرونى على كده ، وماكنش فيه حل تانى اطلعى فوق قولت لك والا ادفنك حيه مكانك
رئيسه ام حسين
استهدى بالله ياابنى دى مرتك أم ابنك ، اسمعى الكلام وتعالى افطرى يا أم وليد