خلص اللي عليك؟
ولا تفتكر إنك تعرف تسيب من غير ما تبص وراك؟
حسين
رفع عينه فيها، نظرة طويلة
إنتِ دايمًا فاكرة نفسك قوية
بس الحقيقة…
إنتِ أضعف من كلمة
سناء
ضحكت، بس الضحكة كان وراها وجع
وأنت؟
فاكر نفسك جامد؟
ولا كل مرة بتيجي هنا علشان تفتكر إنك لسه راجل؟
سكت
الهواء تقيل
والكلام واقف في الزور
حسين
أنا بيني وبينك عشرة…
بس الكِبر علّمني
إن اللي يحب قوي… لازم يمشي بدري
سناء
قربت أكتر، صوتها واطي
وأنا علّمتني الحياة
إن اللي يمشي بدري
يرجع متأخر… ومكسور
مد إيده، وقفها قبل ما تقرب
مش لمسها… بس كان قريب
حسين
إوعي
اللي بينا لو فاض
هيغرق الكل
سناء
بصت في عينه بثبات
وأنا عمري ما خوفت من الغرق
أنا بخاف من البرودة…
وأنت بارد قوي يا حسين
لف وشه، فتح الباب
وقف لحظة قبل ما يخرج
حسين
لو جيت تاني
مش هيبقى علشان الحق
هيبقى علشان الحرب
خرج
وسابها واقفة
بين انتصار صغير… وخسارة كبيرة
تحت على سفرة الاكل الكل متجمع
وكل حريم البيت بتجهز الفطار حسين كان قاعد وعيونه شارده جت عليه ووطت صوتها
انت مش قولت انا جاى لك النهارده تاخد شاور وجهزى لى الحمام وانا نفذت كلامك وانت مش جيت ليه
حسين……
مسك صوبعها وضغط عليها ، وكلمها بصوت واطى ، اتخبلتى انتى ولا ايه ، هتحددى مشيتي، بت انتى اتلمى احسن لك