مايزعق ، انت دخلك ايه ، اسمك سمعتيه ، لاء ، يبقى تترزعى فى اوضتك ولو طلعتى تبقى خيمه معديه ، وخلع عبايته وحطها على كتفها وبقى احن فى الكلام ، ادخلى جهزى لى الحمام وانا جاى وراكى على طول
جنى ….
هزت راسها ، والله اجهز لك الحمام ليه هى أم وليد المايه قاطعه عندها ولا ايه
حسين……
لاء مش قاطعه ، واقولك انا نازل تحت وسعى كده
ونزل السلم بسرعه وراح لابوه
جرا ايه ياابوى ليه الزعيق على وش الصبح دا الشمس لسه مش طلعت ، عملوا ايه بس دول
الحاج عبدالوهاب حمدان ….
اهلا نموسيتك كحلى مش شفتك فى صلاة الفجر ليه
حسين…
ياابوى مش وقته ، عملوا ايه الغجر دول وليه واقفين كده
عبدالوهاب ….
البهايم لسه بالزريبه، والأرض كان مفروض تنسقى ودول نايمين
حسين ……
ياابوى لسه الشمس مش طلعت ، ولسه الليل موجود، العتمه كاسيه المكان ، تعالى ادخل بس جوه ، وبص للشغالين يالا كله على مصلحته ، ادخل ياابوى تعالى طول بالك والمصالح مقضيه
الحاج عبدالوهاب…..
بص له من فوق لتحت، انت مبيت فين النهاردة
حسين…..
حك دقنه ، يوه ياابوى انا طالع اتسبح واصلى الصبح حاضر ، وانزل نفطر وطالع على المحكمه نخلص موضوع القضيه ده
عبدالوهاب……
بردوا رحت لبت فتحى مافيش فايده