ميراث الندم الجزء الاول والجزء التاني نسائم الروح by user07883351
ميراث الندم الجزء الاول والجزء التاني نسائ…
2.7M77.9K
وضعها القدر تحت رعايته، لتستنجد به من غدر أعز الأحباب لديها، من أجل حمايتها، متعشمة في رجولته كي يساندها، حتى تسترد حقها وما سلب بخسة منها، ولكن ما لم تحسب حسابه هو أن ت…
– هامشي زي الناس ما بتمشي ياعم سالم ، ماهو خلاص بقى ملهاش لازمة القاعدة أكتر من كدة .
قال صالح ردًا على سؤال الرجل والذي أردف :
– ياولدي انت لسة راسك لساها مخفتش ولا حتى الجرح اللي في كتفك لم زين، استنى لما ربنا يعفي عنك بالمرة .
ابتسم صالح بمودة قائلًا للرجل :
– كل ده هين ياعم سالم مدام ربنا قدرني امشي على رجلي ، بعد كدة كل شئ بهون .
ارتسم الحزن على ملامح سالم وهو يردد بصوت خفيض :
– يكون زعلت ياولدي لما بايتناك امبارح في اؤضة الخزبن ، بس ياولدي انت عارف ماكنش ينفع اختي تشوف………
– والله عارف ياعم سالم ومزعلتش لا.
قال صالح بمقاطعة وتابع :
– انا بس فكرت وشوفت الوضع كويس، يعني لو حد شافني في بيتك دلوك ، هاترد عليهم انت وتقول ايه ؟ دا غير كمان الحكومة وقتل شعبان ؛ اللي انا مش عارف اي حاجة في تطوارته ، متنساش كمان السمعة اللي لبستني زور ؛ مش عايز حد يعرف صفتي ويجيب يعني اسم بناتك في أي حاجة شينة بالافترا ، الناس ملهاش غير الظاهر .