ام كرم : ياسه … عاشت الاسامي ..
بوستها ورجعت كعدت وهي فاتت جوه هي وامي ..
درت على فهيمة وسلامة غميت روحي ..
سلامة : خايبه شمالج يحظي كلساع وغميتي روحج ..
…جاي .. جاي ..
كمت اركض اصب الجاي ..
صبيت الجاي واخذه يم الزلم وصبيت النه احنه النسوان واخذته يم امي ومرت عمي ..
دخلت لكيت امي ومرت عمي كاعدات ويسولفن ..
حطيت الجاي وكعدت واجن وراي الحبايب ..
رفعت راسها كالت :
عاشت ايدج خوش جاي مهيل .
ياس : بالعافية .
ظلت تسولف هي وامي والبنات وانه ساكته اشرب جاي واسمعهن ..
دارت علي كالت:
ياسه والله صدوك عاشت ايدج جاي مضبوط بحياتي مشاربة هيج جاي طيب وطعم الهيل بي واضح ..
امي : الف عافية .. هني ومري .. بعد هذا جاي ياسه ينضرب بي المثل عدنه ..