رواية القلب بالقلب كامله وحصريه بقلم روز الفياض – للقراءة المباشرة والتحميل pdf

ياس: ها يمه ؟

درت على امي …

امي : اكلج روحي لمي البيض شوفي ياهي من الدجاجات بيضت … وطلعي طحين التمن خاف العصر نسوي سياح ..

شعدج العصر بالسياح والبيض لاهو ريوك لاهو عشه؟

نايمات المسعدات فهيمتها وسلامتها بس ياسه من غبشت الله تكعد تحلب وتلم جوه الدجاج ..

شوكت اعرس مثلهن وانام للظهاري … امداني كون حظي اغبر بنات السلف كلهن عرسن وارتاحن بس حظي المصخم مكابلة فهيمة وسلامة ..

صبحج الله بالخير ياسه خايبه شماج تدردمين من الصباحيات … عبالج العرس راحه حاسدتنه امداني اي والله لنص الليل وانه الولي للفروخ حتى تنام واخوج نايم من المغرب والضيم عليه ..

دخلت كتلها بضحك وغمزتلها :

عالاقل اكو زلمة يمج ينشد بي الظهر وتنامين على زنده تالي الليل ..

فهيمة : خايبة شو دولي منا خليني اروح اعجن … بطرانه وحك الله … انام على زندة خايبة هو زنديش شو دسكتي …