لج وين … اشو مستعجله شعندج ..
ياس : ماعندي شي ..
عمي : تعاي تعاي يمي..
رحت وكفت يمه رجع دنك على راسي وحبه ..
عمي : اكولج ؟
ياس : هلا عمي .
عمي : انتي ميصير تتزوجين اي واحد ..
ياس: ليش عمي؟
عمي : لااا لازم واحد يستاهل هالجمال الخام .. واحد كون ثقه .. شلون ننطيج لاي واحد كم ياس عدنه احنه هههه ..
هو انه جنت ناقصتك تحجي جدامهم هيج حتى انوب يلزكون ياهو اليجي مايقبلون خرب منين طلعتلي …
حاولت اطلعها ماعرفت ..
…رحت اصيح لامي وابجي :
يمه .. يممه … يمممه ..
اجت امي تصيح :
وصمه .. شبيج ..
شافتني ابجي كالت :
يااا شمالج ؟
ياس : هاي العدسة ماتطلع من عيني وتعورني حيل وتصب دموع ..
امي : يااا وشلون هسه نوديج للطبيب لو شلون ؟
راحت امي لابوي كلتله ..
اجه ابوي وعمي شافوني ابجي ابوي كال :
خلي عمج يشوفها ..
عمي : لا مااجازف اني خاف أءذيها .. خل اشوف كرم يجوز يعرف ..
عدلت ربطتي اتذكرت هذا الجان واكف وياهم بالمطبخ بس ماشفت شكله ولاسلمت عليه …