رواية القلب بالقلب الفصل السادس عشر 16 بقلم روز الفياض – للقراءة المباشرة والتحميل pdf
بقى واكف يباوعلي ..
سمعت عمتي جوه تسأل شكو ماجاوبتها ولاهو …
استمريت اشمر ملابسه واشيائها كلها من الدرج ..
صعدت عمتي ولنى يركضن …
عمتي: شكو شصاير شبيكم؟
ياس: ماكو شي عمه سلامتج .. جاي انظف غرفتي …
صعد عمي كال:
شبيكم؟
درت عليه كتله:
ماكو شي عمو سلامتك قبل من جان على اساس بي سحر جان يريد يطلع من الغرفة لان يكول شكلج مااشوفه نفسه ولم هدومه يريد ياخذهن لذيج الغرفة .. بس انه ماخليته كتله لاتنام بالغرفة ومااريد منك شي لاتحاجيني ولاتجيني بس هدومك خليهن حتى عمي وعمتي لايدرون وتصير هوسه ومشكلة وكلها تدري انت مارايدني عيب …
بس هسه انه مااريده بغرفتي بعد ..
وخلي الكل يعرف بعد مايهمني ..
رجعت دخلت للغرفة جبت عطورة شمرتهن ..
عمتي اجت لزمتني هي ولنى لان حسيت اتخبلت ..
عمي: شصار ؟ فهموني شصار؟
نزل هو وعافنه نزل عمي وراه يريد يعرف شبي ..
عافني املخ بروحي …
نزلت وراهم اركض ووراي عمتي ولنى يركضن …
لكيت عمي لازمه بالمطبخ هو ورضا ويسالونه شكو ..
ياس: سألوني آنه .. أنه سألوني انه ..
امداني … امداني على حظي وعلى قسمتي …
هاي كدامكم والله اذا اجه ووصل يمي لو دخل للغرفة لو السانه اجه على لساني الا احرك روحي وابليكم ..