رواية القلب بالقلب الفصل السادس عشر 16 بقلم روز الفياض – للقراءة المباشرة والتحميل pdf

نمت كعدني العصر كرم حتى يسحب مني دم ..

كوه كعدت ..

كرم :شقصتج ويه النوم انطيني ايدج ..

مديت ايدي وكعد كبالي يطلع وريد ..

كرم: لتتحركين ..

ياس: آخخ كرم ايدك ثكيلة شوية شوية علي ..

سحب دم وراح بسرعة للمختبر ..

كعدت سبحت حتى اتنشط ونزلت لكيت عمتي مبدلة ومتانيتني حتى نروح نسوي تحليل حمل ..

عمتي: بعدج مامبدله؟ عبالي الكاج جاهزة هسه ..

ياس: خلص مايحتاج نروح

عمتي: ليش لتكولين نزلت ..

ياس: لا بس كرم سحب مني دم وراح يسولي تحليل اكيد يبين عده ..

عمتي: يعني كتيله حامل؟

ياس: لا بس هو صارله يومين يكلي وجهج اصفر ووضعج مو عاجبني وقبل لايطلع سحب مني دم كال خاف نسبة دمج نازله ..

عمتي: يجوز يبين عنده اذا حامل ..

ياس: ماادري بعد ..

عمتي: خاف ميبين ..دمشي خل نروح هو هذا المختبر عالشارع منطول ..

كمت كوه على روحي لبست ونزلت وصلنه للباب وشفنه كرم رجع ..

عمتي: ها حبيبي اشو رجعت؟

كرم: وين رايحين؟

عمتي: ماكو كالت ضايجين كتلها كومي خل اطلعج شوية

كرم : لا خلص ماكو طلعة ..

كلبي ظل يدك اسلوبه ونظراته وهدوئة يخوف ..

عمتي : هاا ليش؟

كرم : دخلوا للبيت ..