رواية القلب بالقلب الفصل الثامن عشر 18 بقلم روز الفياض – للقراءة المباشرة والتحميل pdf

عمتي جانت كاضتني من ايد وكرم من الايد الثانية …

حسيت بده عندي الوجع وبديت ازيد بالبجي ..

عمتي تتوسل بيه والسسترات يتوسلن بيه وانه مجلبه بعمتي مااقبل ادخل جوه ..

اخر شي كرم كلي:

مو كلنه طفلة زعلتي ماعجبج الحجي ..

لزمني من ايديه اثنينهن وخلاني بيد الممرضات وكلي:

كافي يالله .. نص ساعة وتطلعين لسانج شطوله ..

دخلونه وانه ابجي وادردم على كرم …

ماطولت ولادتي اقل من ساعة الحمدلله جانت سهلة ..

بس اطمنه على ( امنية ) رجعنه للبيت ..

عمي وعمتي سموها ( امنية ) وهي صدك جانت امنية ..

جانت تشبة كرم حيل ..

رجعنه للبيت ودخلوني بغرفة لنى ..

جانت لناوي تسهر وياي هي وعمتي لان امنية جانت ماتنام بالليل ..

ومرات جانت تجي ريم تبات عدنه وتساعدنه ..

الكل جان فرحان بيها وعمي جان من يرجع للبيت يكابلها ويكعد ..

يوميه تصير عركة بين عمي ولنى ..

لنى تريدها بحضنها وعمي يريدها بحضنه ..

بالليل جنت مرات اطيها لريم اذا موجودة او لنى وانام فد ساعتين واكعد حتى اكدر اقاوم واسهر وياها ..