أكمل الشخص الغاضب صراخه المنفعل :
-مش هامشي من هنا غير لما أخد روحه ، بقى ابني يموت في الـ …….. دي وتقولولي قضا ربنا ! أومال أمه ولدته هنا ليه ؟ وحاطتوه في حضانة ليه ؟
انتبه منـــذر لصوت ممرضة مرتجفة تقف على بعد خطوتين منهما مرددة لزميلتها بخوف :
-مش ده الراجل اياه ، اللي ابنه مات في الحضانة امبارح !
أجابتها بصوت مرتعد :
-اه هو .. حلفان ليموت الدكتور ومدير المستشفى وكل واحد كان ليه علاقة بالموضوع !
تابعت الممرضة الأولى قائلة بجدية :
-بس ده نصيبه ، الولد أصلاً مولود قبل ميعاده بكتير ، وكان عنده مشاكل صحية كتير وحالته حرجة ، يعني كده كده كان هيموت !
إرتعاشة قوية دبت في أوصــــال أسيف وهي تتابع ذلك المشهد العنيف بخوف أكبر.
لم يطل البلطجي في صياحه المهدد ، بل إندفع كالثور الهائج – وبلا وجهة محددة – لينقض على من تطاله يده ويعتدي عليه بشراسة .
تبعه أفراد جماعته وأكملوا اعتدائهم الوحشي محطمين في طريقهم محتويات المشفى من مقاعد وأدوات وسلات مهملات .
استدار منذر برأسه نحو أسيف ليحدق بها بقلق كبير ، هو يعلم أن هجوم كهذا لن يمر على خير وسيخلف ورائه مصابين وجرحى و…………………….. !!