ضيقت بسمة نظراتها بإهتمام ، وهتفت متعجبة :
-عمي رياض ، يـــــاه بقالي زمن ماسمعتش اسمه !
ثم تقوس فمها لتتابع بتهكم :
-هو احنا نعرفله مطرح أصلاً ، ده أنا لا عمري شوفته ولا أعرف عنه حاجة غير من كلامك القليل عنه !
أوضحت لها عواطف سبب تلك القطيعة الطويلة قائلة بأسف :
– حبال الود بينا مكانتش أد كده !
حكت بسمة فروة رأسها متساءلة بإهتمام :
-أها ، يعني كان في مشاكل بينكم ؟
ردت عليها أمها بتنهيدة مطولة :
-تراكمات يا بنتي ! بسبب أمي وعمايلها وآآ….
قاطعتها بسمة غير مكترثة بحديثها القديم عن الخلافات الأسرية في عائلتها مرددة :
-بصي أنا مش فارق معايا ده كله ، المهم إنك تبيعي الخرابة دي وخلاص !
ردت عليها عواطف بجدية :
-ما أهو أنا عشان أعرف أبيع لازم يوافق رياض
نفخت بسمة قائلة بضيق :
-يووه يا ماما ، أنا دماغي مش مركزة معاكي ، اعملي اللي انتي عاوزاه ، بس هاتلي أكل الأول
…………………………….
خطى منـــذر نحو الوكالة بخطوات متمهلة إلى جوار أبيه متساءلاً بقلق :
-تفتكر البيعة هاتكمل ؟ باين فيها عوأ ( متاعب ) !!
رد عليه طـــه بنبرة رزينة :
-عواطف من يومها هبلة وعبيطة ومضيعة حقها !
التفت منذر برأســـه للجانب مضيفاً بإندهاش :
-بس أول مرة أعرف ان ليها أخ !