وأنا ماشيه روحت وقفت بجوار شريف وقولت له محتاج حاجه معينه ع الغداء يا حبيبي…
فضل باصص ليا ومكلمش قولت له برافو. أنا هختار لك. أصل أنا أعرف مصلحتك أكتر منك… سلام يا حب..
وطلبت من قرينه يزرع الخوف، جواه من ناحيتي أكتر… لازم تفضل تحت سيطرتي الكاملة يا شريف..
خالتوا فاتن…
رجع وليد من عند ميرفت وقالي يا ماما رشا بتقولك هى عاوزة مهندس ديكور… قولت له والله أحسن هو بقي يجيب العمال ويوضب وأحنا نستلم البيت ع الجاهز بدل ما نفضل كل يوم ندور على صنايعي…
شوف أنت بقي مهندس ديكور ولو متعرفش حد.. عمك عبدالرحيم أبن عمه مهندس أكيد له اصحاب قسم ديكور واهو بالمره يكرمنا في السعر ويعمل خاطر أننا هنبقي نسايب قريب..
وطبعاً وليد ما صدق نزل بسرعة وراح ل عبدالرحيم أبو رزان حبيبة القلب 🤣🤣🤣
رشامنصور…
وبعد ما ماما خلصت كلامها فضلت أفكر الخاتم أو الختم السليماني اختفي، وابنه الهجين واللي هو في نفس الوقت أبن السيده بلقيس ليه الخاتم مش معاه.. ولا يكون اخده وزيره آصف ابن برخيا..
بس إيه علاقة ده بالبيت…. يكون الأرض دى اللى عاش فيها الطفل الهجين،، الشهير بالحكيم “منليك”… يكون هو اللي أخد الختم وخفاه.هنا!!!
طب يخفيه. ليه ما الأولي يرث أبوه زى ما سيدنا سليمان ورث سيف.سيدنا داوود….