جدو حمدي…
والله يا نزار عندك حق ع العموم أنا هحاول أجمع كل فلوسي واشتري الأرض وابني سور حواليها علشان محدش يقرب منها ولما يجيلي فلوس تاني ابقي ابني البيت…
رشامنصور….
فجأة رجعت غرفتي تاني ولقيت نفسي نايمة ع السرير 😲!!! يعني إيه أنا كنت بحلم…
طب لو ده حقيقة يبقي جدو حمدي طلع راجل طيب ومش ساحر وكمان نزار من طريقة كلامه تقول إنه إنسان بيحب الخير..
ياربي ع الحيرة دى…
مبدهاش بقي أنا هصحي بدري واروح البيت واشوف يمكن الاقي أى حاجة في غرفة المكتب افهم منها الحكايه بالظبط…
وبصيت للتمثال وقولت أنا هرجعك البيت تاني أنا مش عارفه اخدتك ليه… أنا أول مرة اخد حاجه مش بتاعتي.
بس يمكن توترت لما سمعت صوت ماما وخو’فت. أنها تشوف السرداب..
وتاني يوم صحيت بدري وقررت أروح ع البيت ومعايا التمثال 🐉
وأول ما وصلت لقيت سيارة جميلة أوى نازل منها شاب وبدأ ينادي عليا ولقيته بيقولي
أنا الدكتور سلامه صاحب مستشفى الأمل وامبارح كنت معدي بالصدفه وشوفتكم فاتحين البيت… أخيراً ناوين تقعدوا فيه ولا بتفكروا تبيعوا…
رديت وقولت له أهلا وسهلا بحضرتك يا دكتور
لأ مش هنبيع البيت لكن هنفتح مشروع هنا… شركة سياحية للرحلات… يعني وقت ما تحب تطلع تسافر وتغير جو تعالي وهعملك خصم.. ما إحنا جيران بقي..