أكيد عاوزة تقولها ع حاجات في الديكورات أصل أنا عارفة بنتي غاوية الألوان الفاتحه والدندشة..
خالتوا فاتن….
كنت قاعده منتظرة وليد لأنه وصلني البيت ومكملش نص ساعة وراح ع الكليه وسمعت جرس الباب واتفاجئت أنها رشا وبتقولي هى إيه حكايه جدك بالظبط… هو كان بيشتغل إيه ؟!!
قولت لها حكايه إيه مش فاهمه هو مالوا جدي مضايقك في حاجه 🤣 ع العموم هو مات من قبل ما اتولد… وضحكت
ردت رشا وقالت قصدى يعني كان بيشتغل اية اصلي اسمع ان زمان كان الشغل مرتباته قليله ازاى عرف يحوش ويشتري أرض ويبني كمان بيت كبير كدا… ولا هو كان غني وعنده ورث.
قولت لها كل اللي اعرفه انه كان عنده محل عطاره كبير وكان بيعالج الناس بالاعشاب وكان طيب أوى ولحد انهاردة لو روحتى الجيزة هتلاقي الناس الكبيرة عرفاه…
وكمان الأرض كانت يعتبر في الصحراء يعني سعرها أرخص من الأراضي العادية….
بس اهو مات ومفرحش بالبيت. يمكن ربنا عمل كدا علشان ألاقي حاجه اساعد بها أبني…
وردت رشا وقالتلي ع العموم أنا جيت اخد مفاتيح البيت علشان أروح بكره اشوف إيه اللي هحتاج له هناك واكتبه في أجندة. واديتها نسخه من مفاتيح البيت ومشيت…
رشامنصور….
ممممم جدها كان عطار وبيعالج الناس ،،، أكيد كان دجال. وشغال في السحرr وواخد شغلة العطارة دى تمويه علشان البو’ليس..