هجوم كاسح من البكاء وتشققات الصمود شعرت بها تهفو علي افق عينيها الرمادية لتجيب بصوت مبحوح: كان غريب اوي يا منار ، لأول مره احس اني تايهه كده .. معرفتش اتكلم حسيت كأن حجر الكون كله واقف في زوري ، مكنتش قادره اخد نفسي ، قالي مش هيسيبني .. قالي هيخليني عايشة جسد مفرقاه الروح
كانت تتحدث وشهقات البكاء تعلوا كالطفل المفزوع ..
اقتربت منار اكثر منها لتحتويها بحنيه وقد ادمعت عيناها ، فهي لأول مره تشهد لحظه ضعف صديقتها منذ زمن ..
ابتعدت منار عنها بعد فتره بعدما شعرت بأنها قد هدأت قليلآ لتردف مسرعه: لارا ، احنا ليه منقولوش الحقيقة ، نقوله ان جمال الكلب ده هو السبب ..
اردفت لارا وقد لاحت ابتسامه ساخره علي ملامحها: فكرك اني مفكرتش في ده ؟ ، مش هيصدق يا منار … وهيكون عنده حق ، اصل ايه اللي يثبتله والدليل الوحيد بين ايدين جمال
جزت منار علي اسنانها بغضب ، ثم لاحت لها فكره لتردف بشك وقد لمعت عيناها: لارا هو ازاي دخل ؟
اردفت لارا بضجر: بطلي غباء ده عرض ، اكيد حد اداله دعوه وقدر يخش
اردفت منار : بطلي انتي غباء انا اقصد ازاي قدر يخش مكان الاستراحه بتاع العارضات ، المكان مليان حراسه وممنوع اي حد يخش من المدعويين!
شردت بعيدآ وهي تتسائل بحق ،كيف استطاع الدلوف اليها ..
______________
كانت تضع هاتفها علي اذنيها وهي تردف بخبث : احكيلي بقي عملت ايه؟
اردف مالك ببرود : ونتي مالك ؟
اردفت ايسل بحقد ممزوج بالخبث: مالي ازاي ، احنا بدأنا الطريق ده مع بعض .. وبعدين انا مشفتكش في العرض .. عملت ايه؟
زمجر مالك بها بخشونه جعلت جسدها يرتعد خوفآ: اسمعي يا .. ايسل ، انا محدش قدر يتجرأ ويسالني في حاجات تخصني قبل كده ، واضح انك نسيتي انا مين ، انا مالك فريد محدش يقدر يتجرأ معايا ف الكلام ..
اردفت ايسل بخوف تحاول اخماده ولكنها فشلت في اخراج نبرتها طبيعيه : أاا .. انا .. م مقصد..
لم تكمل حديثها حتي سمعت صوت صفاره ما فنظرت الي هاتفها لتراه قد اغلق الخط بوجهها
زمت شفتاها بغضب جالي علي وجهها .. لتردف في نفسها بتوعد: ماشي يا مالك ، انا لو مقلبتهاش فوق دماغك انت وهي مبقاش ايسل ..