في منزل أحمد والد فرح
كانت مها تسير ذهاباً وأياباً بقلق وهي تنظر إلى الساعه
أحمد : في ايه يا مها خيلتيني اهدي شويه
مها بعصبيه : بنتك دي هتموتني ناقصه عمر قولتلها تعالي بدري وبردوا اتأخرت
أحمد : الغايب حجته معاه الوقتي تاجي
يفتح باب المنزل وتدخل فرح
حسين : اهي جت اهي
تنظر مها إليها بغضب وتقول : كده يا فرح هوا ده ال هتاجي بدري
فرح : معلش يا ماما الشغل كان كتير النهارده ومعرفتش اجي بدري عن كده
مها : طب يلا خشي غيري وانا هجهز الأكل علشان نمشي
فرح : حاضر، ثم ذهبت وابدلت ثيابها وخرجت وتناولوا الطعام وذهبوا كي يشتروا قرط لفرح
توقفت مها أمام محل اكسسورات فخم
نظرت إليها فرح وقالت : المحل ده شكله غالي تعالي نروح محل تاني يكون رخيص
مها : لأ الفضه في المحلات التانيه هتكون مغشوشه لكن هنا اصليه وبعدين لو الأسعار معجبتناش نبقى نمشي
فرح : حاضر
دخل الأثنان إلى المحل
مها حضرتك صاحب المحل
محمود : ايوه يا مدام انا صاحب المحل تؤمري بحاجه
أشارت مها الي فرح وقالت : عايزه حلق فضه لبنتي
محمود : حاضر ثم اخرج محمود بعض الأقراط الفضيه
كانت فرح تنظر إلى الأقراط ولكن لم يعجبها شئ إلى أن وقعت عيناها على قرط بسيط على شكل ندفه ثلج مرصع بالألماس ظلت تنظر له بأعجاب شديد وعلى وجهها ابتسامة
لاحظ محمود إعجاب فرح بالقرط فقال لها : الحلق ده عجبك
فرح بشرود : أوي
محمود : يعني هتخديه
افاقت فرح من شرودها وقالت بحزن : لأ ده شكله غالي أوي
محمود بأبتسامه : لا مش غالي ده سعره ***
فرح بصدمه : ازاي رخيص كده وهوا مليان ألماس
محمود : الحلق ده مصنوع من أجود أنواع الفضه بس الألماس ال فيه مش حقيقي
فرح بسعاده كبيره : بجد خلاص هاخده
نظرت مها أليها وقالت : هوا ايه ده ال هتاخديه
حملت فرح القرط وقالت : ده ال هاخده
مها : لأ ده بسيط أوي ومش أد كده عايزين حاجه كبيره وحلوه اوي ملفته كده
فرح بحزن : بس ده عجبني اوي
مها بأستسلام : خلاص هناخده طالما عجبك
فرح بأبتسامه : شكراً يا أحلى ماما
أخذوا القرط ودفعوا ثمنه ثم ذهبوا الي منزلهم
عندما دخلوا الي المنزل ذهبت فرح الي والدها وقالت له بأبتسامه : ايه رائيكم يابابا في الحلق ده حلو مش كده
أحمد : لأ مش حلو
شعرت فرح بالحزن الشديد
نظر أليها أحمد وقال بأبتسامه : ألبسيه كده علشان أعرف احكم عليه حلو
فرح بسعاده : حاضر، ثم قامت بأرتدائه وذهبت الي والدها وقالت : ها ايه رائيك حلو
أحمد بأبتسامه : أحلو أوي لما لبستيه
فرح بسعاده : ربنا يخليك ليا يا أحلى بابا
مها : ربنا يخليكم لبعض هقوم اعملكم العشا