رواية اقتحمت جنتي الفصل السادس 6 بقلم الكاتبة اسماء عادل – للقراءة المباشرة والتحميل pdf

# ليه كل ده؟ انا دكتوره و طبيعى جدا اللى عملته و ميستاهلش ابدا اللى انت عامله ده

نظر لها بامتعاض و ضيق و ردد بحده

# يمكن بالنسبه لك الموضوع عادى و متعوده عليه انما بالنسبه لى كنتى واحده انقذت حياتى

حاولت ان تظهر بمظهر قوى حتى لا يشعر بما يعتريها من ضعف بداخلها تخفيه عن العالم اجمع

# انا قصدى ان اى دكتور كان مكانى اكيد كان حيعمل كده و الحادثه بتاعتك كانت الهام ليا انى ادخل قسم طوارئ و الحمد لله انا ناجحه فيه جدا، اه طبعا بكون مبسوطه كل مره بنقذ فيها حاله من الموت بس الحالات مش بتكبر الموضوع زيك كده بيشكرونى و خلاص

زفر بضيق و ردد بحده طفيفه

# ماشى خلاص طالما انتى شايفه كده

شعرت بالضيق لما اعتراه من غضب فهمست بنبره راجيه

# طيب متزعلش

ابتسم لها بحبور و ردد

# طيب تعالى نشترى الزى التنكرى اللى انتى عيزاه

و بالفعل توجها لشراء الازياء التنكريه و اخذت ترتدى اكثر من زى و تخرج ليختار منها حتى انتهى بها المطاف بزى شبيه بمايكل چاكسون المغنى الامريكى الشهير فابتسم ضاحكا و ردد

# متاكده من اختيارك؟



اومأت توافقه و رددت

# اه…عاجبنى اوى، يلا دورك بقى ورينى حتختار ايه؟

اخذ يتنقل ما بين الازياء يرى ذاك و يجرب هذا حتى اختار الجلباب العربى الابيض التقليدى و كأنه يتمسك بهويته العربيه