فلاش باك *****
ظلت جنه فى كل زياره من خالها لبيت والدتها تنأى بنفسها فهى ظلت تعانى من التحرش الجسدى لابن خالها حتى اتمت عامها الخامس عشر و بدءت تفهم جيدا ان تجاوزاته تلك ليست بامر صحيح
طرق يزن على باب غرفتها ففتحت و نظرت له بتوجس فابتسم لها و ردد بصوت حنون
# قاعده لوحدك ليه يا چوچو…ده كلنا بره؟
ابتلعت لعابها بضيق و هتفت بتلعثم
# و… ورايا مذاكره كتير و……
قاطعها باقترابه منها فابتعدت بسرعه و خوف لنهايه الغرفه و هتفت بذعر
# انت عايز ايه؟
اجابها و البسمه لا تزال ترتسم على وجهه
# انتى خايفه منى و لا ايه؟ هو انا ممكن أاذيكى يا جنه؟ده انتى حبيبتى
اذدردت لعابها بخوف و هتفت توبخه
# و اللى بيحصل منك ده تسميه ايه؟ مش اذيه؟؟
لمعت عينه بدهشه و كأن ما يفعله معها امر طبيعى و ردد بتفسير
# لا مش اذيه….ده حب، انا بحبك و عشان كده بحب اقرب منك
نظر لعينها بحزن و ردد
# انا عارف انه غلط و انتى كبرتى دلوقتى و فاهمه انه غلط بس انا مش بقدر ابعد عنك….بحبك و عايز المسك على طول
شهقه بكاء خرجت منها فاقترب بلهفه يمسح عبراتها و هو يهتف بطمأنه
#متخافيش…انا بحبك و مستحيل أاذيكى، بس احنا لسه صغيرين و لو قلت لبابا انى عايز اتجوزك دلوقتى حيقولى خلص جامعتك الاول، فانا عايز تستنينى بس الكام سنه دول