# لا خالص، هم كانو معايا و انا بكلمك و حابين يطمنو عليك
جلس معهم و لكن لاحظت جنه تألمه اثناء تحركه فتألمت لتألمه و ترقرقت عينها بالعبرات التى لاحظها هو على الفور فهو لم يشيح بنظره عنه و لو لثانيه واحده
هتف هامسا
# انا كويس، متعيطيش ارجوكى…مش عايز ابان ضعيف قدام صحابك
لمعت عيناها من كثره العبرات التى حجبت عنها الرؤيه فلم يجد بدا سوى ان يحتضنها و يمسح بيده على ظهرها و هو يربت عليه فاسندت هى راسها على صدره فتألم من ثقل راسها على جراحه و لكنه كتم المه ليستمتع بقربها منه يستنشق عبيرها بداخله
وضع سبابته اسفل ذقنها و رفع وجهها ليرتوى من عشق جمالها و ردد هامسا
# بحبك
ابتسمت من وسط بكاءها و اجابته
# و انا كمان بحبك
اعادها الى احضانه و لكن تلك المره خرجت صيحه متألمه و ضعيفه من فمه انتبهت هى لها فابتعدت بفزع تردد بلهفه
# ايه اللى بيوجعك؟
اجابها بشجن
# بعدك عنى
خجلت و تحول وجهها لكتله دماء حمراء اللون و ظلا شاردين ببعضهما البعض غير منتبهين لاحد حتى تنحنح مراد قائلا
# احم….. سليم، الممرضه جت بره تغيرلك على الجرح
اماء له مرددا
# خليها تيجى بعدين
قاطعته جنه بلهفه
# ليه؟…. خليها تشوف شغلها، و لا اقولك…تعالى اغيرلك انا على الجرح