♕♕♕♕♕♕♕♕♕♕♕♕♕♕♕♕♕♕
عاد سليم لغرفته الفندقيه بعد ان هاتف مراد ليقله اليها وسط اصرار مراد عليه بالذهاب للمشفى فجراحه تبدو خطره و لكنه ردد بتحذير
# انا مش عايز حد ياخد خبر بالحكايه دى…. مش عايز شوشره، فاهم؟
اماء له فردد متخوفا
# انا خايف يكون فى حاجه خطر يا سليم، على الاقل تعالى نروح لجنه المستشفى و هى تتصرف…..
صرخ مقاطعا بحده
# جنه لا….. فاهم؟ جنه لا يا مراد، انا مش عايز ادخلها فى مشاكلى اكتر من كده كفايه اللى حصل لها بسببى و اللى كان ممكن يحصل لها
زفر خانقا يهتف بتوعد
# و الله ما انا ساكت لمايكل على جنانه ده، حسابه معايا بعدين بس اطمن عليك الاول
اجابه سليم باجهاد
# خلاص يا مراد… احنا اتصافينا و خلصت لحد كده، و انا اصلا قلتلك انى عايز اسيب الشغلانه دى و يمكن اللى حصل ده خلانى مصمم اكتر من الاول
تردد مراد فهتف متحدثا
# الحاج فرج كلمنى عشان الشحنه و كان متعصب انك منزلتش مصر و هى خلاص على وصول
اجابه بهدوء
# ابعت بس هات دكتور يكون تبعنا عشان مش حاسس بجسمى من كتر الوجع
جاء الطبيب و اصر عليه للذهاب للمشفى حتى يطمئن بعدم وجود نزيف داخلى معللا
#( شكل الاضلع يوحى بوجود خطر قائم سيد سليم، ارجو منك ان تذهب للمشفى لنطمئن اكثر)