# طبعا يا سى سليم من غير ما تجول
ابتسم لها و ربت على صدغها و اكمل
# و اهم حاچه تحفظى سر البيت اللى انتى حتعيشى فيه و تحاولى تخليهم يحبوكى و متزعليش لو اتعاملو معاكى فى الاول بطريجه عفشه(سيئه)
هزت راسها موافقه ببسمه مرتسمه على وجهها فاكد حديثه
# انتى خابره ان اللى بينا تار و دم و مش بالساهل اهل الدار حيجبلوكى فعايز بالك يبجى طويل هبابه( قليلا)
ابتلعت لعابها برهبه و خوف فنظر لها متفهما حالتها فاقترب منها حتى التصق بجسدها و وضع راحته خلف اذنها يداعب عنقها فسارت القشعريره تدب فى اوصالها حتى هوت دقات قلبها فى قدمها فابتسم بانتصار لشعوره بتأثيره المهلك عليها
اقترب من شفتاها و بدء بتقبيلها قبلات رقيقه دون مبادلتها له لشعورها بالخجل الشديد فابتعدت عنه و نظرت له بوجل تردد بلهاث
# انى هيباك( خائفه منك) يا سى سليم….لو ممكن…
صمتت ليفهم هو ما تريده فردد بقوه
# ماشى….عسيبك براحتك
♡♡♡♡♡♡♡♡♡♡♡♡♡♡♡♡
جلست بحده و غضب تهز قدمها بعصبيه و تردد بضيق
# ازاى بس يا بابى اللى حضرتك بتقوله ده؟ يعنى تبقى موافق و لازم اخد الاذن من ياسر بيه، ليه؟ هو ابويا و لا حضرتك؟
اجابها محسن بعد ان حاول تهدئتها اكثر من مره
# الاصول كده يا جنه و انا ربيتك على الاصول و انتى بتقولى حتسافرى ايطاليا يعنى رايحه قاره تانيه خالص و الموضوع مش سهل