♡♡♡♡♡♡♡♡♡♡♡♡♡♡♡♡
جلست جنه تحرك قدمها بعصبيه و ذلك اللزج الذى تمقته جالس امامها يعتذر منها
# اسف بقى متكبريهاش يا جنه و بعدين ما انتى قفلتى السكه فى وشى و انا اهو اللى بصالحك
زفرت بضيق من اسلوبه و سماجته فرددت بحده
# طيب خلاص حصل خير…..روح شوف شغلك مش عايزه اعطلك اكتر من كده
ابتسم لها ياسر بحب و ردد
# انا لما بكون معاكى مش بحس بالوقت و لا بيهمنى اى حاجه فى الدنيا دى غير انى افضل معاكى
نظر حوله و كانه تذكر شئ لتوه فردد يطلعها على الامر و كان رأيها تحصيل حاصل
# اه صحيح نسيت اقولك انا اخدت اجازه و جاى معاكى روما بس ملقتش حجز فى نفس يوم سفرك فححصلك بعدها بيوم
نظرت له و بسمه السخريه و الغضب ترتسم على وجهها و ضحكت مستسلمه لذلك الارعن الملتصق بها كالعلقه و رددت بضيق
# و انت جاى معانا بصفتك ايه؟…..يعنى انا و چينفر و رايتشيل اصحاب، و چاك رايح مع صحابه و انت حتكون ايه صفتك؟
اجابها ببرود
# انا جاى على حسابى يعنى…..
قاطعته بحده
# هى مسأله فلوس؟ انت جاى تقعد مع مين و بأى صفه؟
انتفضت عروقه الغاضبه و ردد بصوت اجش و كانه يحاول فرض نفسه عليها
# بصفتى خطيبك و لا دى صفه مش كفايه بالنسبه لك؟
اجابته ساخره
# اه انتى خطيبى انا….انما صفتك ايه بصحاب الحفله؟ تعرف چاك؟