# انتى لساتك خچلانه منى؟
حركت راسها دون التفوه باى كلمه فردد مؤكدا
# بس خلاص عاد مفيش داعى للكسوف انتى مرتى و انى چوزك و لا عندك رأى تانى؟
ظلت صامته فاعتدل بجلسته ينظر لها بتفحص و ردد بهدوء حاول منه ان يزيل عنها خجلها
# طيب بصى عشان انا عاوز اتحدت معاكى فى حاچه مهمه
جلست و هى تدارى جسدها امامه و تنظر له بانصات فاستطرد
# اول هام لازمن تعرفى انى مش عاوز خلفه دلوج يعنى حنأچلو الحكايه دى شويه، عشان اكده من بكره حاخدك تروحى الوحده للدكتوره تشوفى وسيله مناسبه ليكى
نظر لوجوم وجهها و ردد بتفحص لملامحمها
# مفهوم؟
هزت راسها بضيق و لكنه لم يدعها لشياطين عقلها فأثر ان يحدثها بهدوء علها تفهم فردد بشرح
# افهمينى يا جمر….چوازنا جه بطريجه انا و انتى عرفينها كويس، غير كده احنا لينا تار عنديكم و الامور لسه متحلتش يبجى اچيب عيل يحتار بين العيلتين و ميبجاش عارف حيوجف مع عيله ابوه و لا عيله امه؟و لا نستنو شويه لحد ما الحكايه تتعرف راسها من رچليها؟
حركت راسها بصمت فردد يكمل
#ده غير انى مكنتش لسه مستعد انى اتچوز و افتح بيت، يعنى انا لو كنت عايز چواز كان ايه اللى مانعنى؟
امسك راحتيها بين يديه الخشنه و ردد برقه اذابتها
# انتى حلوه جوى….جمر و انتى جمر صُح ( حقا) بس ده ميمنعش اننا لسه جدامنا وجت لحد ما ناخد الخطوه دى…..فهمانى يا جمر؟