اجاب فرج بحزم
# تتعلم… عشان محدش يركبنا الغلط، دى حتجعد وسط حريم العيله و جدام البلد كلاتها و لو عملت اى تصرف غلط الناس حتحط علينا
امتعض وجه سليمان و وقف هو الاخر يردد بنفاذ صبر
# مش اكده يا ابوى…. مرت اخوى دكتوره مش واحده معاها اعداديه عاوز تعاملها زى باجى الحريم
صدح صوت فرج العالى يردد
# اهنه مفيش خيار و لا فؤوس و بكفايه انه بسببها بعد عنينا
ضحك سليم بسخريه من حديث اباه و ردد متعمدا اثاره الامر للمنتهى
# انى فاكر زمان لما فرچ الراوى وجع فى عشج سلمى المنصورى مش بس ساب بلده و عيلته و مرته و ولاده…. ده رمى كل حاچه ورا ظهره و راح عاش معاها فى مصر بعد ما كسر كل قوانين العيله اللى واجف دلوج تحاسبنى عليها يا ابوى
بالطبع فتح الحديث بهذا الموضوع الذى ما زال يؤرق مضجعها جعلها تصرخ بغضب
# بجى اكده يا ولد المصراويه….
قاطعها سليمان بلهفه حتى يحد من ازدياد الامر
# خلاص يا امه احب( اقبل) على يدك
هرع ناحيه اخاه و ردد برجاء
# خد مرتك و اطلع اوضتك يا سليم دلوج
خلل اصابعه بخاصتها و اتجه للدرج و صعودا لغرفته و ارتمى على الفراش يستند على مرفقيه بحزن و ضيق فاقتربت منه تربت على ظهره بحنو و هتفت بمواساه
# متزعلش نفسك… مكنتش حابه انك تزعل مع اهلك بسببى و انا مكنتش مضايقه انك قاعد و انا مستنيه