رواية اقتحمت جنتي الفصل الرابع والعشرين 24 بقلم الكاتبة اسماء عادل – للقراءة المباشرة والتحميل pdf

ردد فرج بتحفز

# يا ولدى خليك معانا فى الحديت حتفضل باصص وراك كتير اكده؟

اجابه سليم

# لسه العاده دى يا ابوى؟ مش حنبطلوها عاد؟

اجابه سليمان

# و نبطلوها ليه يا اخوى؟ ما طول عمرنا على ده الحال و احنا و حريمنا متعودين عليها

ردد سليم بتفسير

# الزمن اتغير و سى السيد و امينه عدا عليهم اكتر من 100 سنه و لسه عوايدنا ان الحريم تفضل واجفه اكده، ده حتى حرام بعد ما يچهزو الوكل انهم يتفرچو علينا اكده

رددت فاطمه بتنمر

# ما انت طول عمرك شايف الحكايه دى و متكلمتش، و لا عشان السنيوره بتاعتك عايز تغير عوايدنا اللى بجالها 100 سنه و اكتر

نظر لوالده ينتظر منه الدعم و لكنه لم يحرك ساكنا على افعال زوجته فانقشع وجهه بحمره غاضبه و ردد

# ايه لازمته الكلام ده؟

ازادها والده يردد

# اصلنا سكتناله دخل بحماره…. بعد ما وافجت انك تسيب الشغل و تتچوز على مرتك و تعيش بعيد عنينا، جاى كمان عاوز تغير عوايدنا عشان خاطر مرتك

تحرجت جنه فانسحبت للوراء دون ان تتحدث فصرخ بها فرج بصوره فجه

# رايحه فين؟ مين اللى عطاكى الاذن انك تمشى من اهنه

عادت جنه و هى مدهوشه من افعال فرج فانتفض سليم يردد بحده و صوت اجش يهدد بخروجه عن طور هدوءه

# جرا ايه؟ انتو فاكرينها جمر فاهمه عوايدنا و لا حتى حتعرف تعملها؟