# اول مره تيجى الصعيد؟
اماءت بفرحه فهتف
# لسه حفرچك على البلد حتنبهرى
وصلا للقصر و هناك رحب الجميع بهما و بالاخص اخته الصغرى سحر و التى هرعت تردد بلهفه
# كنت حزعل جوى لو مچيتش فرحى يا اخوى
ردد ببسمته الساحره و هو يداعب وجنتها
# هو انى اجدر بردك يا سحر…. شوفى چبتلك ايه معايا؟
اخرج من الحقائب فستان زفاف ابيض رائع و رقيق فصاحت بفرحه و هى تشكره
# الله يا سليم…. تسلم يا اخوى
ابتسم لها و احتضنها يقبلها من راسها هاتفا
#ده ذوق جنه
هتفت الاخيره تهتف بحبور
# يا رب بس يطلع مقاسك انا اختارته كده من ساعه ما شفتك فى الفرح
ابتسمت سحر بفرحه و صرخت بلهفه
# و حتى لو مش مجاسى…. حظبطه و البسه
♕♕♕♕♕♕♕♕♕♕♕♕♕♕♕♕♕
مر يوم طويل مع العائله و جنه مبهوره بتلك الاجواء الغريبه بالنسبه لها و التى تمنع اختلاط الرجال بالنساء و تمنع جلوس النساء على نفس مائده الطعام مع رجالهم حتى انها ظلت واقفه خلف زوجها و هو جالس على مائده الطعام يتناول وجبته بعد ان حاولت الجلوس فرمقتها فاطمه بنظره حاده و رددت
# محدناش حريم تجعد مع الرچاله يا دكتوره
تحرجت جنه و ظلت تقف خلف مقعد زوجها و هو كل لحظه و الاخرى يلتف براسه ينظر لها غامزا بعينه يشاكسها و يرسل لها قبلات خفيه عن اهله