ردد سليمان بتاكيد
# طيب الحمد لله انك بخير….المهم دلوج ان فرح خيتك على واد عمنا كمان شهر و ابوك عايزك تكون معانا من بدرى
وافق سليم و ردد
# حخلص الشغل المتعطل اهنه و بعدها حاچى انا و چنه بامر الله
♕♕♕♕♕♕♕♕♕♕♕♕♕♕♕♕♕♕
تزينت مهجه و تعطرت فاليوم هو المخصص لها ليبيت صالح معها و كانت قمر هى المسئوله عن تجهيز الطعام فى ذلك اليوم
ظلت تتذمر و هى تطهى هذا الكم من الطعام ليسد حاجه تلك العائله بعدد افرادها الكبير فسبت و لعنت حظها العسر
وقفت مهجه خلفها تقتر و تمضع لبانه بفمها بشكل مقزز و تهتف بصيغه آمره
# بعد ما تخلصى الوكل للعيال حتحشى خمس چواز حمام ليا و لسى صالح و بالمره اكده اعملى لنا صنيه روانه ( نوع من انواع الكيك)
احتدت تعابيرها و وقفت امامها بالمرصاد تصرخ بحده
# نعم يا ختى!…. كنتى فكرانى الچاريه بتاعه ابوكى و لا ايه؟
هدرت مهجه بغضب
# اتلمى يا مره انتى بدل ما اجول لسى صالح و هو يتصرف معاكى عاد
استهزئت بما تقوله فهتفت
# سى صالح…. انى جمر الحديدى، تعرفى مين هيه جمر الحديدى؟ سى صالح اللى بتجولى عليه ده شغال عندينا يعنى أُچرى
صرخت بها مهجه
# عيب اكده يا جمر…. سى صالح چوزك و واچب عليكى تحترميه و يا ختى كان زمان شغال عنديكم انما دلوجت بجيتو نسايب و الروس اتساوت