شردت لحظات ثم نظرت لزوجه عمها تهتف باصرار
# انى لازمن احمل يا مرت عمى….ده چوزى و انا من حجى احافظ عليه، لازمن اشيل منيه عيل يخليه يرچع عن اللى فى راسه و يوجف الچوزاه دى اللى عاوزها
اماءت لها زوجه عمها تهتف بتمنى
# ع الله تكونى حملتى من المره دى، اهى كلها كام يوم و نجدر نعمل تحليل نعرف بيه
رددت قمر بتخوف
# يعنى ممكن يحصل الحمل من مره واحده؟
اماءت لها بالهوافقه تفسر
# بعد المنشطات اللى انتى وخداها…ممكن جوى
♕♕♕♕♕♕♕♕♕♕♕♕♕♕♕♕♕♕
ادار سليم المقعد ليجلس عليه معكوسا و استند بمرفقيه على ظهر مقعده و نظر لذلك المتهشم الوجه ممسك من ذراعيه من قبل رجال سليم و ردد ببسمه انتصار
# قولى يا ياسر….انا سامعك، مين معاك و بيساعدك؟
اجابه الاخير و هو يبصق الدماء من فمه بعد ان نزف بشده من فكه اثر ضربات سليم الغاشمه عليه
# ماريا
لمعت اعين الحاضرين جميعا و كل منهم كان بعالم مختلف عن الاخر، فمايكل لم يفقه شئ من الحوار الدائر امامه سوى اسم اخته الصغرى عندما لفظه ياسر بتلك الطريقه
اما مراد فشعر بالذعر من مجرد تخيله لما سيفعله سليم بها و ما سيؤدى ذلك من اضرار بالاعمال، اما سليم فشعر بغل و غضب كاد ان يحرق الارض فانتفض من مقعده و القى به خلفه و عينه محتقنه بدماء غاضبه و صرخ به بحده اجفلته