رواية اقتحمت جنتي الفصل الرابع عشر 14 بقلم الكاتبة اسماء عادل – للقراءة المباشرة والتحميل pdf

هجمت عليها تنتف لها شعرها و هى تصرخ بحده جمعت حولهما كل من بالبيت

# اخرسى جطع لسانك يا عايبه…و الله لوريكى يا بنت ضاحى

اخذت زوجه اخيها تصرخ و تولول و تستنجد بمن حولها حتى اقترب جابر و سحب قمر من فوقها و هو يهدئها

# بس عاد يا خيتى…خلاص حتموت فى يدك

صرخت به

# مش سيباها الا و شعرها كله فى يدى

سحبها للداخل و احتضنتها والدتها تهدهدها بلطف

# خلاص يا جمر…ما انتى خبراها و خابره طريجتها

رددت بغضب

# لازمن تعرف هى بتتكلم مع مين؟ ولا عشان ما سبتها حتشوف نفسها عليا، هو ايه سكتناله دخل بحماره

رددت والدتها بهدوء

# خلاص عاد لاجل خاكر عضم التربه يا بنتى، هو انتى فاكره احنا ساكتين لها ليه عاد؟ مش لاجل خاطر المرحوم ولدى

اخذت تتنفس بحنق و غل و هى تردد بحسره

# آااه يا امه آااه من اللى بيچرالى

همست لها والدتها

# تعالى فوج مرت عمك عندى فى الاوضه، بدل ما الحربايه دى تسمعنا و تشمت فيكى عاد

صعدت معها و اخذت تقص عليهما كل ما يدور بمنزل زوجها و لم تحفظ اسرار البيت الذى يأويها فظلت تحكى و تقص حتى سالتها زوجه عمها

# جوليلى بس…..عملتى اللى جلتلك عليه و حطيتى البرشام فى الشاى؟

اماءت لها تردد بحزن

# ايوه…بس ملحجتش اتهنى، يا دوبك هى مره و بعدها سافر