ثم ضربت بيدها على فخذاها تهمهم بحسره
# اه يا حرجه جلبى عليك يا ولدى….عيالك اتيتمو و هم لسه صغار، و اللى جتل طايح فى البلد و لا همه
احتقنت عيناها بحمره الغضب و الثأر و هتفت بتوعد
# مبجاش فاطنه الراوى عاد ان ما رچعتش جح ولدى و اخدت تاره يا عيله الحديدى
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وصلت قمر لاعتاب المنزل فهرع اليها ابناءها يحتضنوها بشوق و محبه فانحنت تقبلهم و تزيل نار اشتياقها لهم و نظرت لزوجه اخيها تهتف
# مرت عمى چوه؟
اجابتها باستخفاف
# ايوه يا ختى ادخلى
دلفت و الاخرى ترمى بالكلام من خلفها حتى استوقفها بعض الكلمات الجارحه لتعيد النظر لزوجه اخيها تردد بحده
# انتى بتجولى ايه يا مره انتى؟
رددت الاخيره بعدم اكتراث لامرها
# اللى سمعتيه يا جمر…كل البلد بتجول ان چوزك طفشان منيكى و كل ما يعاود يهرب بعدها طوالى و يسافر
صرخت بها بحده اجفلتها
# اخرسى يا عايبه و يا جليله الحيا….سى سليم بيسافر دايما بلاد بره من جبل ما يتچوزنى مش طفشان منى زى ما بتجولى يا حربايه
مصمصت فمها تهتف بنزق
# عارفين يا ختى…بس كان على الاجل بيجعد اهنه شهر و اتنين، انما دولجت بجى يا دوب سبوع بالكتير و هووب يسافر طوالى