التفتت تنظر لفرج و تردد بعيون حزينه ترسم على وجهها انكسار زائف
# و انت رأيك اكده يا فرچ؟
حرك راسه بالايجاب و ردد بعيون غاضبه
# ايوه طبعا…و اياكى تانى مره تمدى يدك على حريم ولادى، مهما كان…ليهم رچاله هم اللى يچيبولك حجك لو واحده فيهم غلطت معاكى
ارتفع صدرها بالغضب و لم تحاول كبت حنقها و كرهها فرددت بصوت هادر اخاف الجميع
# لاااا…ده و انى بموت و بطلع فى الروح عمرى ما حستنى حد ياخدلى حجى، انى مش عويله يا فرچ و من انهارده لازمن الكل يعرف انى ست الدار و الكل لازمن يسمع كلمتى فى غيابك
ردد موافقا
# صُح….انتى ست الدار و الكل لازمن يسمع كلمتك فى غيابى، بس و انى موجود تبجى زيك زيهم و اقل كمان، و اياكى تفكرى تصغرينى جدام حد مره تانيه و الا اقسم بالله لا حعمل حساب لا للعشره و لا للدم و لا للعيال اللى بينا….و قد اعذر من انذر
انتحبت فاطمه بانين مكتوم و هى تجد زوجها و فلذه كبدها يقفا معا ضدها لينصرا من؟ من قتلوا ابنها البكر و حرقوا قلبها عليه فتركتهم جميعا و اتجهت لغرفتها و هى تدب الارض بغضب عارم يهدد بحرق الارض متوعده بداخلها ان تذيقها الوان العذاب هى و زوجها ابن ضرتها و الذى تكرهه كرها شديد
اما فرج فقد اقترب من قمر و حاول التحدث معها بهدوء و رزانه فردد بقوه