# يا ابوى يا خيتى…..ده كأنى متچوزتش جبل سابج، انى عمرى ما حسيت اكده مع منصور الله يرحمه و لا كان بيعمل الحاچات اللى بيعملها سى سليم معايا
ابتسمت اختها و اخذت تتمعن النظر بها و تردد
# ما هو بيسافر بلاد بره و اكيد متعلم الحاچات دى منيهم، يلا يا بختك…ناس ليها بختك و ناس ليها بختى المايل
ضحكت قمر على حديث اختها الكبرى و ربتت عليها تواسيها حتى تنبهت لامر فصرخت بها
# انتى تجصدى انه ممكن يكون بيعمل الحاچات دى بره مع حريم الاچانب عاد؟
حركت راسها بجهل و رددت
# مخبراش( لا اعرف) بس ممكن، هو يعنى حيعرف الحاچات دى منين؟
امتعض وجهها بالحزن و ترقرقت عيناها بالعبرات و رددت بحزن و الم
# يعنى بيخونى؟
ضحكت اختها حتى انفطر قلبها من كثره الضحك و هتفت توبخها
#هو لحق يتچوزك عشان يخونك يا مجذوبه ( مجنونه) انتى…..لو متعود على اكده و هو مسافر يبجى انتى تحطى لسانك چوه خاشمك( فمك) و متتحدتيش معاه فى الحكايه دى و لا تسأليه حاكم انى عرفاكى
نظرت لها بتوجس و قلق و صرخت بها بحده
# ازاى اسكت انى لازمن اعرف…انى ديك النهار لقيت دفتر فيه رسومات لواحده حلوه جوى و لما سألته مين دى زعق فيا جامد جوى، تفتكرى دى واحده منيهم؟
ضربتها اختها ضربه خفيفه خلف رأسها توبخها بحده