#مش كل الرجاله زى بعضها يا جنه… و لو رغبه اى راجل قابلك او اتعرف عليكى كانت وحشه فده لانك جميله و مطمع بس برده يمكن تفكيرك هو اللى كان بيخليكى تفكرى كده و الدليل هو ابوكى
نظرت له بتعجب و دهشه و رددت بتساؤل
# بابى؟…… ماله؟
اجابها
#مش ابوكى ده راجل برده و لا ايه؟ مشفتيش منه تصرفات وحشه ليه؟
اجابته بغضب و حده
# انت كمان عايز ابويا يتحرش بيا؟ ليه هى خلاص الدنيا بقت زفت اوى كده؟
اجابها بتصحيح
# انا مكانش قصدى انه يتصرف معاكى انتى… انا قصدى انه يتصرف عموما حسب غريزته اللى بتقولى عليها، يتجوز او يصاحب او يعمل اللى كل الرجاله بتعمله
رددت بثقه
# بابى راجل محترم. و لكل قاعده شواذ…..
قاطعه بابتسام
# الله ينوررررر…. يبقى مش كل الرجاله زى بعضها…لكل قاعده شواذ
ابتسمت بسخريه و رددت
# يعنى لو انا طلبت منك اننا نتجوز بس من غير ما تلمسنى حتوافق؟
صدحت ضحكته عاليا و هو ينظر لها بتسليه و يهتف بمرح
# هو مع ان طلبك حيخالف شرع ربنا، بس انا عندى استعداد اعمل اى حاجه عشان ابقى معاكى
توترت و تلجلجت و رددت بتهرب
# على العموم خلينا نقفل كلام و نشوف العرسان اللى بوظنا عليهم اجازتهم
امسك كفها و قبل داخل راحتها برقه و رفع بصره ينظر لها و ردد بتاكيد