رواية اقتحمت جنتي الفصل الثامن 8 بقلم الكاتبة اسماء عادل – للقراءة المباشرة والتحميل pdf

مسد على شعرها برقه و حنان و قبلها من فرق شعرها و ردد بلهفه

#وحشتينى اوى يا جنه….اول مره تبعدى عنى بالشكل ده من 6 سنين

اجابته و هى تقبل راحته

# ربنا يخليك ليا يا بابى و انت وحشتنى اوى اوى

ابتسم بمشاكسه و هو يحتضنها من كتفها و يردد بعبث

# يا بكاشه…..بقى وحشتك؟

ليقلد صوتها بمزاح

#وحشتنى اوى يا بابى…كلها يومين و اكون عندك يا حبيبى

ليقتضب وجهه بصوره اضحكتها بشده

# و اليومين بقو اسبوعين يا جنه

اجابته و هى تضحك على طريقته معها و التى لا تنضب ابدا من الحب و الاشتياق

# حبيبى…..و الله بس الاجازه فعلا كانت تجنن و صحابى مكانوش عايزين يرجعو و جت لنا دعوه لقبرص بعد ما خلصنا فسحتنا فى ايطاليا و بصراحه مقدرتش افوتها

ابتسم لها بفرحه فلاول مره منذ ان جاءت اليه هاربه من مصر يجدها تضحك و تمرح و الابتسامه تعلو ثغرها و لا تفارقها فهو قد لمح تلك السياره الفارهه التى اوصلتها لباب المنزل و لمح ايضا ذلك الشاب الوسيم الذى نزل منها ليودعها، بل و لمح نظرات الشوق و الانبهار بعين ذلك الشاب

جلست باحضانه تقص عليه الاماكن التى زارتها حتى وصل الامر لما حدث مع خطيبها المزعوم ياسر فردد ابيها بحنق حاول اخفاءه حتى لا يضايقها

# بس مكانش يصح ابدا اللى اتعمل معاه يا جنه…ابوه زعلان خالص و كل شويه يلومنى على اللى حصل و برده انك تفركشى الخطوبه و انتو مسافرين دى مش اصول