# و كل دول عيالك؟
اماء لها يهتف
# انى عارف انك متاخده ( خائفه) بس انى حفهمك
امسك راحتها و سحبها لتقترب منهما و ردد و هو يشير للزوجه الممتلئه
#دى مهجه كانت مرت اخوى الله يرحمه و كان حداه اربع عيال و لما مات اتچوزتها زى ما عرفنا بيجول و خلفت منيها كمان اربع عيال و بجيو هم و ولاد اخوى الله يرحمه اخوات و انى بربيهم سوا و مش بفرجهم عن بعض، يعنى من الاخر اكده مش حتعرفى مين ولادى من ولاد اخوى
ابتلعت لعابها و تنفست بصعوبه و هو يكمل
# و دى بجى تبجى سميحه مرتى الاولانيه و بنت عمى فى نفس ذات الوجت و عندى منيها خمس عيال
بحسبه بسيطه احتسبتها براسها علمت انها دخلت بمعركه خاسره ليكمل حديثه
# انى خابر انك عنديكى تلات عيال…. و انى موافج تچيبيهم يعيشو اهنه مع اخواتهم دول و اخواتهم اللى حچيبهم منيكى
انقشع وجهها بالسخط و الكره، هل يطالبها بانجاب المزيد من الابناء له؟…..الا يكفيه ثلاثه عشر طفلا يقوم بتربيتهم و رعايتهم؟
صمتت فهى لم تجد بداخلها طاقه للرد عليه فنظر لزوجتيه و ردد بصوت مرح
# العشا چاهز چوا يا حريم؟
اجابت مهجه
# كله زى ما امرت يا سى صالح
ابتسم بفرحه و سحبها من يدها ليدلف غرفه نومهما و يغلق خلفه الباب و يبدء بخلع الجلباب الصعيدى عنه و هى تنظر للارض بحزن على حالها