ابتلعت لعابها تردد بخوف
# ايام ايه؟
ابتسمت مهجه و اجابت
# ايام نظافه البيت و عمايل الوكل و ايام سى المحروس صالح يا عنيا
زادتها سميحه توضيحا
# كل واحده فينا ليها يومين تنظف و تغسل للبيت كله و يومين تطبخ و يومين تچهز لسى صالح و يوم الچمعه بجى كل واحده فينا بتروح لامها و انتى كمان حتروحى لامك عشان تشوفى عيالك و ترچعى اخر الليل و سى صالح هو اللى حيختار ينام حدا( مع) مين فينا
اذدردت لعابها و هى تتمنى بداخلها
# يا ريت ما يختارنيش واصل…. ده ايه الهم اللى انى فيه ده يا ربى؟
لتعود لواقعها بعد ان رمت مهجه بوجهها بعض الملابس المتسخه تهتف باذدراء
# جونى فزى عاد…. انهارده و بكره الدور عليكى فى الغسيل و التنظيف، يلا بلاش چلع ( دلال)
وقفت باستسلام و ارتدت ملابسها لتخرج و تبدء معاناتها بتنظيف منزل مكون من طابقين و به عدد لا نهائى من غرف الاطفال و ثلاث غرف رئيسيه للنوم ناهيك عن كم الملابس المتسخه و المطلوب منها تنظيفها جميعا لتجلس باحد الاركان تبكى حالها فهى كانت تعامل كالاميره بقصر عائله الراوى لما يضمه القصر من العديد من الخدم
♕♕♕♕♕♕♕♕♕♕♕♕♕♕♕♕
ظلت تنتظر طوال اليوم ان يهاتفها و لكن مر اليوم و لم يحدث لتجلس بغرفه نومها تستند برأسها على ركبتيها حتى سمعت صوت رنين الهاتف باكثر رنه مقربه لقلبها و تجد اسمه يزين شاشته فرددت بلهفه و شوق