# يعنى مرت عمك عارفه انك بتاخدى وسيله لمنع الحمل؟ انى مش جلت لك جبل سابج انى مش عاوز حد يعرف باى حاچه تخصنا؟ جلت و لا مجلتش؟
ابتلعت لعابها بخوف و رهبه و هتفت موضحه
# انى اصل فكرت افاچئك انى اتصرفت لحالى
اضاف بنفس نبره الصوت الغاضبه
# و طبعا مرت عمك حتجول لامك و امك حتجول للبلد كلاتها مش اكده؟
بلهفه اردفت
# لا لا….امى متعرفش حاچه، انى نبهت على مرت عمى انها متجولش لحد واصل
زفر بضيق و حنق يهتف
# لو اتصرفتى مره تانيه من دماغك مش حعديها لك يا جمر…ده اول و آخر تحذير ليكى؟
هزت راسها بحركات متتاليه تعلن خضوعها لاوامره النافذه و فور ان خرج من الغرفه تنفست بعمق و راحه تهتف
# و ماله…الصبر چميل يا سليم بيه، و انى و انت و الزمن طويل عاد، ما هو مش جمر الحديدى اللى يتلعب بيها اكده كيف الكوره الشراب
♕♕♕♕♕♕♕♕♕♕♕♕♕♕♕♕♕
ظلت تترقب وصول مختطفيها حتى سمعت طرقات لحذاء نسائى و رأت زوجان لاحذيه احدهما رجالى و الاخر حريمى فرفعت بصرها لاعلى حتى تراهما فتفاجئت مما رأت
اقترب منها و فك كمامتها و نظر لها بتشفى لتهتف بدهشه
# يااسر؟ معقول!! انت؟ طب ازاى؟
ابتسم لها يهتف بتعالى
# مش قلتلك انى حدفعك التمن
حركت بصرها لتلك السيده التى تقف بجواره تضع يدها بخاصرتها فتذكرتها على الفور فلم يمر وقت طويل على مقابلتها لها…نعم هى من ادعت انها زوجه سليم فهتفت جنه بحيره