رواية اقتحمت جنتي الفصل الثالث عشر 13 بقلم الكاتبة اسماء عادل – للقراءة المباشرة والتحميل pdf

# خير؟ جاى من الصبح عاوز ايه؟

تنهد بضيق و اردف

# عاوز چهاز الضغط يا مرت ابوى

سمعه فرج من الداخل فانتفض من مضجعه بلهفه يردد

# خير يا ولدى عاوز الچهاز فى ايه؟

ابتلع لعابه بالم و عيناه لا تزال شبه مغلقه من قسوه الصداع فردد

# مخابرش يا ابوى…حاسس ان ضغطى عالى شويه

سحبه فرج من ذراعه و ادخله للغرفه و اجلسه على المقعد و هو يردد باهتمام و لهفه

# تعالى يا ولدى ادخل

ثم نظر لزوجته بحده يردد

# هاتى الجهاز يا فاطنه

بعد قياس ضغطه وجده عالى جدا فهتف فرج بقلق

# ضغطك عالى اكده ليه يا ولدى؟ انت فى حاچه مزعلاك؟

اماء له بالموافقه و ردد بصوت منكسر

# جنه يا ابوى مش عاوزه تكمل فى الچوازه…شايفه انها اكده بتكون خرابه بيوت

تدخلت فاطمه بالحديث تهتف بنزق

# هى معاها حج بصراحه، بس انى كان نفسى تتچوز على بت المحروجه دى عشان تنكاد هى و اهلها اللى حرجو جلبى على ولدى

نظر لها سليم بامتعاض و هتف بضيق

# هو انى عاوز اتچوز عشان اكيد مرتى يا مرت ابوى…جمر طيبه و بت حلال و انى لولا وچود جنه كنت مفكرتش انى لا اتچوز عليها و لا اضايجها، دى مش بتفكر فى حاچه غير فى سعادتى و بس و راضيه بالعيشه و باللى ربنا قسمهولها

مصمصت شفتاها بسوقيه و هتفت

# و لما هى حلوه اكده عاوز تتچوز عليها ليه؟