رواية اقتحمت جنتي الفصل التاسع 9 بقلم الكاتبة اسماء عادل – للقراءة المباشرة والتحميل pdf

# ثالثا…. و حضرتك بقى بكل جوازاتك السابقه و الحاليه و اللى بتتعامل معاها كان اى واحده بتدخل حياتك المفروض انها تقبل بيها و تتعامل معاها عادى

لتردد بتهكم واضح بالانجليزيه تعيد على مسامعه حديثه

#( ساعتزل النساء و استبدلهن بواحده)

لتكمل حديثها و وهج و حمره عينها كلسان حالها

# و كانك بتمن عليا انى حكون فى حياتك و انا اصلا مستحيل اوافق على وضع زى كده و اوعى تفتكر ان Show الفلوس و المستوى الاجتماعى اللى انت عملته عشان تأثر فيا ده حيجيب نتيجه…انا مش عايزه اشوفك تانى، فاهم؟

عوده********

لم يتسنى لها نسيان ملامحه الغاضبه….لا بل المنكسره و كتفاه المتهدلان بتعب و عضلات ظهره المتشنجه التى رأتها و هو و ذاهب و كانه يجر وراءه اذيال الخيبه فمزع روحها رؤيته بهذا الشكل

و لكنها اصرت ان تنهى تلك المهذله الآن فخير لها ان تتألم الآن بضعه ايام او حتى اشهر على ان تتألم مدى الحياه ان استمرت معه فهذا هو حال تلك الارتباطات و طبيعتها نظرا لما تراه امامها من نماذج تنتهى دائما اما بانفصال موجع و مؤلم او باستمرار كاسر و قاصٍ

رنين هاتفها لم يتوقف منذ امس بالحاح من رايتشيل التى رأت و حضرت ما حدث فبالرغم من انها لم تفهم حديثهما الذى تم باللغه العربيه الا انها استشفت سوء الاوضاع بينهما دون ان تعلم الاسباب