# احنا فى امريكا يا جنه مش فى مصر….الناس هنا مش بتفكر كده و لا يهمها حاجه من اللى انتى بتقوليه، لكن انتى عايزه تعملى مشكله من مفيش
حركت راسها باعتراض تهتف بحده
# انت اللى مش عايز تشوف غير هوسك و ادمانك لوهم فى خيالك و متخيل انه لمجرد انى اتقبلت اللى انت عملته فده معناه ان ممكن يكون فى بينا حاجه
تحدث بهدوء عكس ما يثور بداخله
# تقدرى توضحيلى اكتر وجهه نظرك يا دكتوره بما ان مفيش بينا حاجه!!
ابتلعت لعابها بتوتر من نبرته الهادئه و سخريته منها فاجابته بحزم
# اولا….انت بعد اللى عملته عشان تقابلنى و كل الفلوس اللى صرفتها دى و جاى بعد كده و بكل جرأه تحكيه و كانه شئ عادى ده خلانى اخاف منك لانك ممكن يكون عندك هوس مرضى و انا معنديش استعداد اتعامل مع امراض نفسيه و قرف
رددها بداخله [قرف] الهذا الحد تشمئز منه و تمقته و لكنه ظل متمسكا بملامحه الجامده الصلبه يستمع لها و هى ترفع اصابعها امام وجهه تحصى عليها اسبابها بالرفض
# ثانيا….انا لسه خارجه من علاقه فاشله حتى لو كانت غصب عنى فبرده اتحسبت عليا خطوبه و اتاذيت منها نفسيا و معنديش استعداد لاى تجربه تانيه
حسنا هنا بدءت تعابير وجهه تعبر قليلا عما بداخله من حقد و كره لذلك الذى تلقب بخطيبها حتى و ان حملت تلك الكلمه تابعا لها الا و هى [خطيبها السابق] و لكنه سيظل اول رجل ترتبط به فشعر بتصدع داخله لم يستطيع اخفاءه فدعست اكثر على جرحه تهتف بحنق